واسا فیصل آباد اور جاپان کے مابین 7 ارب روپے کے واٹر ٹریٹمنٹ منصوبے پر دستخط

فیصل آباد (حمزہ اکرم)واسا فیصل آباد اور جائیکا کے 7 ارب 25 کروڑ روپے لاگت کے میگا پراجیٹ سرفیس واٹر ٹریٹمنٹ پلانٹ کی تعمیر کے منصوبے کے لئے کنٹریکٹر کے ساتھ معاہدے پر دستخط ہو گئے، واٹر ٹریٹمنٹ پلانٹ کے منصوبے کی تکمیل سے شہر کے مشرقی حصے کی 2 لاکھ سے زائد آبادی پینے کے صاف پانی سے مستفید ہو گی- اس سلسلے میں مینجنگ ڈائریکٹرواسا ابوبکر عمران نے اپنے جاپان کے دورہ کے دوران معاہدے پر دستخط کئے جبکہ اس موقع پر جائیکا کے اعلیٰ سطی حکام بھی موجود تھے- اس حوالے سے مینجنگ ڈائریکٹر واسا ابوبکر عمران نے بتایا کہ جاپان انٹرنیشنل کوآپریشن ایجنسی (جائیکا) اور واسا فیصل آباد کے اشتراک سے شہر کے مشرقی حصے کی آبادیوں کو پینے کے صاف پانی کی فراہمی کے لئے سرفیس واٹرٹریٹمنٹ پلانٹ کی تعمیر کا میگا پراجیکٹ تشکیل دیا گیا جس کے تحت اس پلانٹ سے 35 لاکھ گیلن روزا…