فیصل آباد انسٹی ٹیوٹ آف کارڈیالوجی میں زیادہ پارکنگ فیس لینے پر پارکنگ عملہ گرفتار

فیصل آباد(حمزہ اکرم)اسسٹنٹ کمشنر سٹی وقاص صفدرسکندری نے فیصل آباد انسٹیٹیوٹ آف کارڈیالوجی کے پارکنگ سٹینڈ سے شہریوں سے موٹر سائیکل پارکنگ کی ڈبل فیس وصول کرنے پر پارکنگ عملہ کو موقع سے گرفتار کرادیا جبکہ ٹھیکیدار عبدالماجد موقع سے فرار ہوگیا۔اسسٹنٹ کمشنر سٹی نے پارکنگ فیس کی اوورچارجنگ کی عوامی شکایات پر اچانک ایف آئی سی کی پارکنگ کا دورہ کیا اور موقع پر موجود شہریوں سے پارکنگ فیس کے بارے میں دریافت کیا تو بتایا گیا کہ موٹرسائیکل کی فیس 10 روپے مقرر جبکہ ورکرز 20 روپے وصول کررہے ہیں جس پر ایکشن لیتے ہوئے ثاقب مشتاق،عمران،زین سعید،محمد شفیق کو بھتہ خوری پر موقع سے گرفتار کرلیا گیا۔اسسٹنٹ کمشنر نے کہا کہ اوورچارجنگ کسی صورت برداشت نہیں کی جائے گی۔