فیصل آباد( ڈسٹرکٹ رپورٹر)چیف ایگزیکٹوفیسکو انجنئیر بشیراحمد کی زیر صدارت فیسکو ہیڈکوارٹر میں اہم اجلاس منعقد ہوا۔جس میں فیسکو کے انتظامی معاملات کو زیر بحث لایا گیا۔چیف ایگزیکٹو فیسکوانجنئیر بشیراحمد اجلاس میں گفتگو کرت ہوئے کہ صارفین کو بجلی کی مسلسل فراہمی کیلئے خراب ٹرانسفارمرز کو فوری طور پر تبدیل کیا جائے اس سلسلے میں کسی قسم کی کوتاہی برداشت نہیں کی جائے گی۔موبائل میٹر ریڈنگ کی درستگی کی شرح میں کمی پر کوئی سمجھوتہ نہیں کیا جائے گاغلط ریڈنگ کی صورت میں سپرنٹنڈنگ انجنئیر، ایگزیکٹو انجنئیراور متعلقہ ایس ڈی او کے خلاف سخت ترین کارروائی عمل میں لائی جائے گی۔یہ باتیں انھوں نے فیسکو ہیڈکوارٹرز میں منعقدہ جائزہ اجلاس سے خطاب کرتے ہوئے کہیں۔اجلاس میں چیف انجنئیرز، سپرنٹنڈنگ انجنئیرز اوردیگر افسران نے شرکت کی۔ انھوں نے کہاکہ فیسکو سٹاف صارفین کو بہترین سروسز کی فراہمی کو اپنا ماٹو بنا لیں۔اپنے اچھے کام سے اپنی اور محکمہ کی نیک نامی کا باعث بنیں۔ غفلت اور کرپشن کو ہرگز برداشت نہیں کیا جائے گا۔ انھوں نے سٹاف کو صارفین سے خوش خلقی سے پیش آنے کی ہدایت بھی کی۔ چیف ایگزیکٹو نے سیفٹی کی ضرورت پر بھی زور دیا اور کہا کہ لائن سٹاف دوران ڈیوٹی سیفٹی فرسٹ کے اصول کو اپنائے۔انھوں نے ایڈمن ڈائریکٹوریٹ کو ہدایت کی کہ مختلف کیٹگریز کے پروموشن بورڈ کو جلد از جلد مکمل کیا جائے تاکہ ملازمین کی ترقی ہو سکے تاخیر کی صورت میں متعلقہ اہلکاروں کے خلاف سخت محکمانہ کارروائی عمل میں لائی جائے گی۔ انھوں نے مزید کہا کہ کمپنی کی اولین ترجیح صارفین کو بہترین سروسز کی فراہمی ہے جس کیلئے تمام تر شعوری کوششوں کو بروئے کار لایاجا ئے۔انھوں ریکوری ٹیموں کو رننگ اور ڈیڈ ڈیفالٹرز سے محکمانہ ریکوری کے حصول کیلئے گھر گھر چیکنگ کی ہدایت کرتے ہوئے کہا کہ ریکوری کے مطلوبہ اہداف کا ٹارگٹ مکمل کیا جائے۔ انھوں نے کہا کہ لائن سٹاف فیسکو کی ریڑھ کی ہڈی ہے لہذا لائن سٹاف کو چاہئے کہ وہ چالو لائنوں پر کام کرتے ہوئے تمام حفاظتی اقدامات کو پورا کریں اورحفاظتی تدابیر، لائن ٹی اینڈ پی کے علاوہ کرونا سے بچاؤ کیلئے ماسک اور دستانوں کے بغیر کسی صورت بھی کام نہ کریں فیسکو اتھارٹی کی طرف سے جاری کردہ تمام تراحتیاطی تدابیر کو اختیار کیا جائے وگرنہ ان کے خلاف سخت کارروائی عمل میں لائی جائے گی۔
کیپشن
