ڈپٹی کمشنر فیصل آباد کا عوامی قدم

فیصل آباد(ڈسٹرکٹ رپورٹر)ڈپٹی کمشنر علی عنان قمر عوامی مسائل کے حل کے لئے روزانہ کی بنیاد پر متحرک ہیں۔انہوں نے اپنے آفس کے باہر بیٹھ کر شہریوں کی شکایات و مسائل سننے اور موقع پردرخواست گزاروں کو ریلیف کے لئے احکامات جاری کئے۔انہوں نے درخواست گزاروں کے مختلف نوعیت کے مسائل باریک بینی سے سنتے ہوئے بعض افسران کو موقع پر طلب کرکے تعمیلی رپورٹ پیش کرنے کا حکم دیا۔انہوں نے کہا کہ عوامی مسائل کا حل اولین ایجنڈا ہے جس کے لئے تمام ضلعی افسران کو بھی ہدایات جاری کررکھی ہیں۔انہوں نے شہریوں سے کہا کہ وہ اپنے مسائل پیش اور ان کے حل کے لئے بلارکاوٹ رابطہ کرسکتے ہیں اس ضمن میں کسی سفارش کی ضرورت نہیں۔