فیصل آباد( حمزہ اکرم)جماعت اسلامی نے جمعہ کو گھنٹہ گھرچوک میں ہونے والے جلسہ عام کی تمام تیاریاں مکمل کرلی ہیں۔سراج الحق وطن عزیزکو مہنگائی، بیروزگاری کے دلدل سے نکالنے کیلئے اگلے لائحہ عمل کا اعلان کریں گے۔المرکزالاسلامی چنیوٹ بازار میں جلسہ عام کے سلسلہ میں قائم کی گئی کمیٹیوں کے جائزہ اجلاس میں گفتگو کرتے ہوئے ضلعی امیرپروفیسرمحبوب الزماں بٹ نے کہاکہ جلسہ کو یادگاراورتاریخی بنانے کیلئے انتظامات کو حتمی شکل دے دی گئی ہے۔جلسہ میں باپردہ خواتین اور بچے بھی شرکت کریں گے۔جماعت اسلامی کے کارکن ریلیوں کی صورت میں جلسہ میں شرکت کریں گے۔ریلیوں کی قیادت امرائے زون، نامزد امیدوان قومی و صوبائی اور مقامی راہنما کریں گے۔پی پی111 کی راناسکندراعظم،اسامہ سعید اعوان،پی پی110 نعمان احسن ملک،ڈاکٹر خالدفخر،پی پی 112چوہدری محمد سلیم،شیخ محمد مشتاق،اجمل حسین بدرر،پی پی 113ڈاکٹر بشیر احمد صدیقی،عبدلستار بیگا، پی پی 114میاں منیر احمد،ڈاکٹرسعیدآفتاب، پی پی 105ثاقب فاروق بٹ،پی پی 106 شیخ عمیر مختار،پی پی 115طہٰ خان، عتیق الرحمان،پی پی 116ملک عبدالجبار، راناعدنان خاں،پی پی 117 ملک معراج الدین،افضال شاہین، پی پی 109 امجد قیوم پراچہ,پی پی 107رانا اکرام اللہ خان،پی پی 108 زفرادریس، عرفان یٰسین کریں گے۔جماعت اسلامی کے ضلعی امیرپروفیسر محبوب الزماں بٹ نے شہریوں سے اپیل کی ہے بلاکسی سیاسی تفریق ہر شہری جلسہ میں شریک ہو کہ آئی ایم کے غلام حکمرانوں کو پتہ چل سکے کہ قوم آئی ایم ایف کی غلامی کو قبول نہیں کرے گی۔
