پولیس لائنز میں ترقی پانے والے پولیس افسران کے اعزاز میں تقریب کا انعقاد

فیصل آباد(نمائندہ ایف ٹی وی) فیصل آباد پولیس لائنز میں ترقی پانے والے افسران کے اعزاز میں پر وقار تقر یب کا انعقاد کیا گیا۔ سٹی پولیس آفیسر عثمان اکرم گوندل نے 13سب انسپکٹرز اور 25 اسسٹنٹ سب انسپکٹرز کو پرموشن بیج لگائے۔ تفصیلات کے مطابق سٹی پولیس آفیسر کی جانب سے پولیس لائنز میں سب انسپکٹرز اور اسسٹنٹ سب انسپکٹر کے عہدے پر ترقی پانے والے پولیس افسران کے اعزاز میں پروقار تقریب کا انعقاد کیا گیا اس موقع پر ایس پی مدینہ ڈویژن حافظ کامران اصغر اور پروموشن پانے والے افسران کے اہلخانہ بھی موجود تھے۔ سٹی پولیس آفیسر عثمان اکرم گوندل نے پولیس افسران کی فیملیز کے ہمراہ ان کو پرموشن بیجز لگائے اس موقع پرسٹی پولیس آفیسر کا کہنا تھا کہ ترقی پانے والے پولیس افسران اپنی صلاحیتوں کو بہتر انداز سے بروئے کار لائیں اور معاشرے سے جرائم کی بیخ کنی کے لیے اپنا کردار بھرپور طریقے سے ادا کریں میر ی طرف سے پرموٹ ہونے والے تمام افسران کو مبارک باد ہے پرموشن ایک نعمت اور کامیابی کی علامت ہے آپ جہاں بھی ڈیوٹی پر ہوں عوام کے ساتھ خوش اخلاقی سے پیش آئیں بے سہارا اور مظلوم افراد کی زیادہ سے زیادہ داد رسی کریں،ایمانداری کو اپنا شعار بناتے ہوئے نیک نیتی سے اپنی ڈیوٹی سرانجام دیں.