ایڈیشنل ڈسٹرکٹ اینڈ سیشن جج کا مجسٹریٹ فرسٹ کلاس کے ساتھ سینٹرل جیل کا دورہ

جرائم سیاست

فیصل آباد(نمائندہ ایف ٹی وی) ایڈیشنل ڈسٹرکٹ اینڈ سیشن جج ندیم انور چوہدری اور مجسٹریٹ فرسٹ کلاس چوہدری محمد شفیق نے سینٹرل جیل کا دورہ کیا اوردوران انسپکشن جیل ہسپتال،کچن اسیران،بیرکس کا معائنہ کیا۔سپرنٹنڈنٹ جیل چوہدری اصغر علی اور دیگر جیل افسران بھی موجود تھے۔ایڈیشنل ڈسٹرکٹ اینڈ سیشن جج نے اسیران سے مسائل بھی دریافت کئے اور جیل انتظامیہ کی طرف سے انتظامی وحفاظتی اقدامات اور اسیران کی فلاح وبہبود کے لئے کئے جانیوالے اقدامات پر اطمینان کا اظہار کیا۔انہوں نے معمولی نوعیت کے جرائم میں ملوث 20 اسیران کو ذاتی مچلکوں پر رہا کرنے کا حکم دیا۔سپرنٹنڈنٹ جیل نے جیل کے انتظامی حفاظتی امور پر تفصیلی بریفنگ دی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے