بوہڑاں والی گراؤنڈ فیصل آباد میں دوسرا محمد بشیر خاں میموریل ٹی ٹونٹی کرکٹ ٹورنامنٹ کا آغاز

فیصل آباد(نمائندہ ٹی وی) ڈپٹی کمشنر محمد علی نے بوہڑاں والی گراؤنڈ میں دوسرے محمد بشیر خاں میموریل ٹی ٹونٹی کرکٹ ٹورنامنٹ کی افتتاحی تقریب میں شرکت کی۔منتظم عبدالشکور نے ڈپٹی کمشنر کا ٹیموں کے کھلاڑیوں سے تعارف کرایا۔یہ ٹورنامنٹ 12 مارچ تک جاری رہے گا جس میں روزانہ دومیچز ایک دن کی روشنی اور دوسرا فلڈ لائٹس میں کھیلا جائے گا۔ٹورنامنٹ میں مجموعی طور پر 16 ٹیمیں حصہ لے رہی ہیں جن میں 12 مقامی اور 4 ٹیمیں باہر سے شرکت کر رہی ہیں اور ٹیموں میں پاکستان کرکٹ ٹیم کے چند سابق کرکٹر بھی شامل ہیں۔ڈپٹی کمشنر نے کہا کہ ضلعی انتظامیہ کرکٹ سمیت دیگر کھیلوں کی ترویج وترقی کے لئے موثر اقدامات کررہی ہے اور کھلاڑیوں کو اپنی صلاحیتیں دکھانے کے یکساں مواقع فراہم کئے جارہے ہیں۔انہوں نے ٹورنامنٹ کے انعقاد کے سلسلے میں منتظمین کی کاوشوں کو سراہا۔کیئر ٹیکر اقبال سٹیڈیم نوید نذیر ودیگر کے علاوہ شائقین کرکٹ بھی موجود تھے۔