ڈائریکٹر جنرل ایف ڈی اے ڈاکٹر فیصل عظیم نے درجہ چہارم کے ملازمین میں عید گفٹ تقسیم کئے

فیصل آباد(نمائندہ ایف ٹی وی) ایف ڈی اے کے درجہ چہارم کے ملازمین میں عید گفٹ تقسیم کئے گئے اس سلسلے میں ایک تقریب کمیٹی روم ایف ڈی اے کمپلیکس میں منعقدہوئی۔ ڈائریکٹر جنرل ایف ڈی اے ڈاکٹر فیصل عظیم، چیئرمین چوہدری لطیف نذر اس موقع پر مہمانان خصوصی تھے جبکہ مہمان اعزاز میں ایڈیشنل ڈائریکٹر جنرل عامر عزیز شامل تھے۔ تقریب میں دیگر افسران کے علاوہ سٹاف یونین کے عہدیداران حاجی رشید جاوید، میاں منیب ریاض، روحی قمر سندھو، صادق ندیم، چوہدری اسلم گجرودیگرموجود تھے۔ ڈائریکٹر جنرل اور چیئرمین ایف ڈی اے نے تمام سٹاف کیلئے نیک تمناؤں کا اظہار کرتے ہوئے ملازمین کی فلاح وبہبود اور بھلائی کیلئے سٹاف یونین کی نیک کاوشوں کو سراہااور کہا کہ درجہ چہارم کے ملازمین میں ملبوسات کے گفٹ بروقت تقسیم کرکے ان کی عید کی خوشیاں دوبالا کی گئی ہیں اور جو قابل ستائش امر ہے۔ انہوں نے سٹاف کی ترقیوں کے مسائل جلد حل کرنے کی یقین دہانی کراتے ہوئے کہا کہ معمول کی محکمانہ سرگرمیوں میں بھی سٹاف کو درپیش مشکلات کے حل کیلئے ان کے دروازے ہمیشہ کھلے ہیں تاہم سٹاف کو چاہئے کہ وہ نیک نیتی، فرض شناسی اور محنت و دیانتداری سے محکمانہ خدمات ادا کرنے میں کوئی کسر اٹھا نہ رکھیں کیونکہ ملازمین ہی ادارے کا قیمتی اثاثہ اور کارکردگی میں اضافہ کرنے کا باعث ہوتے ہیں جس سے ادارے کی ساکھ اور عوامی اعتماد مضبوط ہوتاہے۔ انہوں نے سٹاف کیلئے خیر وسلامتی کی دعاکی۔ ایڈیشنل ڈائریکٹر جنرل نے بھی تقریب کے شرکاء کا شکریہ ادا کیا اور ملازمین کیلئے خیر سگالی کا پیغام دیا۔ سٹاف یونین کے عہدیداروں نے چیئرمین ایف ڈی اے افسران کا خیر مقدم کرتے ہوئے ملازمین کیلئے انکی ہمدردی اور مسائل میں دلچسپی سے جذبات کو سراہا۔ انہوں نے عید گفٹ حاصل کرنیوالوں کو مبارکباد دی۔ اس موقع پر ملک وقوم کی ترقی و خوشحالی ادارہ کے استحکام او اجتماعی خیر وافایت کی دعاکی گئی