پرائیویٹ سکولز کی طرف سے سیلاب زدگان کی امداد کے لیے ایک ٹرک مزید روانہ

فیصل آباد(حمزہ اکرم)ضلعی انتظامیہ کی تحریک پر آل پاکستان پرائیویٹ سکولز الائنس کے زیر اہتمام فوڈونان فوڈ آئیٹمز پر مشتمل مزید ایک ٹرک سیلاب زدہ علاقہ ڈیرہ اسماعیل خاں میں بھجوادیاگیا۔ڈپٹی کمشنر آفس سے یہ ٹرک ایڈیشنل ڈپٹی کمشنر جنرل قیصر عباس رند نے روانہ کئے۔چیئرمین آلائنس صداقت حسین لودھی،انچارج ضلعی ایمرجنسی آپریشنل سنٹر محمد صادق اورآلائنس کے دیگر عہدیداران بھی موجود تھے۔ایڈیشنل ڈپٹی کمشنر نے آل پاکستان پرائیویات سکول الائنس کے قومی جذبہ کو سراہا اور کہا کہ ان کی طرف سے پہلے بھی امدادی سامان کے ٹرک سیلاب زدہ علاقوں میں بھجوائے گئے ہیں۔انہوں نے تقریب کے دوران الائنس کی کاوشوں کو سراہا اور عہدیداران میں ضلعی انتظامیہ کی طرف سے اعزازی سرٹیفیکیٹس بھی تقسیم کئے۔صداقت حسین لودھی نے کہا کہ مصیبت میں گھرے سیلاب زدگان کی امداد وبحالی کے لئے نجی سکولوں کی انتظامیہ نے بھرپور حصہ لیا۔انہوں نے سرپرستی پر ڈپٹی کمشنر عمران حامد شیخ اور ان کی پوری ٹیم کی معاونت کا شکریہ اداکیا۔