گورنمنٹ پاکستان ماڈل ہائی سکول ریل بازار کی عمارت برصغیر پاک و ہند کی تقسیم سے پہلے گردوارہ تھی

فیصل آباد(حمزہ اکرم)گورنمنٹ پاکستان ماڈل ہائی سکول ریل بازار فیصل آباد پاکستان کا نامور سکول جس کی عمارت برصغیر پاک و ہند کی تقسیم سے پہلے گردوارہ سنگھ سبھا کے نام سے منسوب تھی اور یہاں خالصہ گرلز مڈل سکول گردوارہ کے زیر انتظام تھا۔نصرت فتح علی خان،حسن نثار جیسے پایہ کے طالب علموں نے اس سکول سے تعلیم کے زیورسے آراستہ ہوئے اور نصابی وہم نصابی سرگرمیوں میں گورنمنٹ پاکستان ماڈل ہائی سکول کا کوئی ثانی نہیں۔یہ بات پرنسل ادارہ جی ایم صابر نے سکول کے دورہ پر آئے ہوئے کپل آف فیصل آباد مسٹر اینڈ مسز ناصر کو بریفنگ دیتے ہوئے بتائی۔لعل محمد ناصر سکول کے فارغ التحصیل طالب علم ہیں۔ ایس ایس ٹی آئی ٹی محمد حارث عابد اور دیگر اساتذہ بھی موجود تھے۔پرنسپل ادارہ نے بتایا کہ اس سکول کے اولڈ سٹوڈنٹس ہمارا فخر ہیں اور لعل محمد ناصر کی طرف سے سکول کے دورہ پر خوشی محسوس ہوئی۔اس موقع پر اولڈ سٹوڈنٹ کو خراج تحسین پیش اور پرنسپل نے ان کے اعزاز میں انہیں اپنی کرسی پر بٹھادیا۔لعل محمد ناصر (موجودہ کپل آف فیصل آباد) نے پرنسپل کی طرف سے بھرپورعزت افزائی پر تہہ شکریہ اداکیااور کہا کہ اساتذہ کی تعظیم ہمیشہ سے ہی طلباء کی اولین ترجیح رہی اور ان کیلئے اعزاز کی بات ہے کہ وہ اس تاریخی سکول میں زیر تعلیم رہے۔انہوں نے سکول کی مزید ترقی کی دعاکی۔