فیصل آباد (نمائندہ ایف ٹی وی) اسسٹنٹ کمشنر سمندری فیصل سلطان نے تحصیل ہیڈ کوارٹرز ہسپتال کا دورہ کیا اورطبی وانتظامی امور کا جائزہ لیا۔میڈیکل سپرنٹنڈنٹ اور دیگر ڈاکٹرز بھی موجود تھے۔اسسٹنٹ کمشنرایمرجنسی وارڈ،ادویات کے سٹورودیگر شعبوں میں گئے اور علاج معالجہ کی صورتحال کا جائزہ لیا۔انہوں نے کہا کہ مریضوں کو انتظار وقطار کی زحمت سے بچانے کے لئے موثر ترین حکمت عملی وضع کی جائے اور مریض علاج معالجہ کے حوالے سے ہسپتال کی کارکردگی سے مطمئن نظر آنے چاہیں۔اسسٹنٹ کمشنر نے ہسپتال میں صفائی کے معیار کو مزید بہتر بنانے اور کورونا ایس اوپیز پر عملدرآمد کو یقینی بنانے کی تاکید کی۔انہوں نے مختلف وارڈز میں زیر علاج مریضوں کی عیادت اور ان کی جلد صحت یابی کی دعا بھی کی
