فیصل آباد ایف ڈی اے میں مدت ملازمت پوری کرکے ریٹائرڈ ہونیوالے افسران کے اعزاز میں الوداعی تقریب منعقد کی گئی

فیصل آباد (نمائندہ ایف ٹی وی) ایف ڈی اے میں مدت ملازمت پوری کرکے ریٹائر ڈ ہونیوالے ٹرانسفر آفیسر خالد محمود اور نائب قاصد محمد مشتاق کے اعزاز میں الوداعی تقریب منعقدہوئی جس میں چیئرمین ایف ڈی اے /ایم پی اے چوہدری لطیف نذر مہمان خصوصی تھے جبکہ تقریب میں ایم پی اے /فوکل پرسن ٹیپا فردوس رائے، ایڈ یشنل ڈائریکٹر جنرل عامر عزیز، سٹاف یونین کے صدر حاجی عبدالرشید، جنرل سیکرٹری منیب ریاض، سابق صدر یونین رائے آصف ودیگر افسران کے علاوہ سٹاف کے ارکان نے شرکت کی۔ تقریب سے خطاب کرتے ہوئے چیئرمین ایف ڈی اے نے ریٹائرڈ ہونیوالے ملازمین کو مبارکباد دیتے ہوئے کہاکہ عزت وقار سے ریٹائرمنٹ اللہ تعالیٰ کی طرف سے ایک انعام ہے جس پر سجدہ شکر ادا کرناچاہئے۔ انہوں نے ادارہ کی ترقی اور عوامی خدمت کے حوالے سے ریٹائرڈ ملازمین کی کارکردگی کو سراہا اور آئندہ زندگی کیلئے نیک تمناؤں کا اظہار کیا۔ ایم پی اے فردوس رائے نے کہاکہ کسی بھی محکمہ یا ادارہ کی ترقی میں ملازمین کا کرداربڑی اہمیت کا حامل ہے اور کامیاب سروس سے ریٹائرڈ ہونا بھی کسی نعمت سے کم نہیں۔ ایڈ یشنل ڈائریکٹر جنرل عامرعزیز نے کہاکہ دیانتدار اور محنتی سٹاف ادارہ کا اثاثہ ہیں جن کی فلاح وبہبود میں کوئی کسر اٹھا نہیں رکھی جائیگی۔ ریٹائرڈہونیوالے ٹرانسفرآفیسر خالد محمود، اور نائب قاصد محمد مشتاق نے بھرپور حوصلہ افزائی اور الوداعی تقریب کے انعقاد پر چیئرمین ایف ڈی اے اور افسران کا شکریہ ادا کیا