2021 میں ریسکیو 1122 فیصل آباد کو 17 لاکھ سے زائد کالز موصول ہوئیں

عوامی مسائل

فیصل آباد(نمائندہ ایف ٹی وی)ڈسٹرکٹ ایمرجنسی آفیسر احتشام واہلہ نے ریسکیو 1122 کی سالانہ کارکردگی کے اجلاس کی صدارت کی جس میں ایمرجنسی آفیسر آپریشنز غلام شبیر اور دیگر افسران نے شرکت کی۔کنٹرول روم انچارج محمد عمرفاروق نے بریفنگ دیتے ہوئے بتایا کہ رواں سال ریسکیو 1122 کو 17 لاکھ 63 ہزار کالز موصول ہوئیں جن میں 94951 ایمرجنسی اور324691 کالز انفارمیشن کی فراہمی سے متعلقہ تھیں جبکہ 13 لاکھ سے زائد غیر ضروری کالز شامل تھیں۔انہوں نے بتایا کہ ریسکیو1122 نے اوسط 7منٹ رسپانس ٹائم برقرار رکھتے ہوئے 27725 روڑ ٹریفک ایکسیڈنٹ، 56183 میڈیکل،1600 آگ لگنے، 2575 کرائم،91 ڈوبنے، 102 عمارات گرنے،07سلنڈر پھٹنے اور 6668 دیگر ایمرجنسیز پرکیوئک رسپانس کیا۔اسی طرح 98749 متاثرین کو ریسکیو کیا جن میں سے 41833 کو موقع پر طبی امداد فراہم کی گئی۔علاوہ ازیں 51943 کو طبی امداد کے بعد ہسپتال منتقل کیا گیا۔ڈسٹرکٹ ایمرجنسی آفیسر نے عزم کو دہراتے ہوئے کہا کہ شہریوں کی خدمت کے لئے سروسز کی فراہمی مزیدجذبے سے جاری رکھی جائے گی۔انہوں نے بتایا کہ رواں سال کچہری بازارچوک کے قریب حبیب بینک مین برانچ کی ساتویں منزل پرلگنے والی آگ پر بروقت رسپانس کرتے ہوئے ریسکیو 1122 ٹیموں نے ڈیڑھ گھنٹے کے اندر قابو پا لیا۔ڈسٹرکٹ ایمرجنسی آفیسر اپنی ٹیم کے ہمراہ آپریشن میں مصروف رہے اور پیشہ ورانہ صلاحیتوں کا مظاہرہ کرتے ہوئے ہوئے عمارت کے اندر پھنسے ہوئے گیارہ ملازمین کو بھی بحفاظت باہر نکالا۔موقع پر موجود شہریوں اور بینک ملازمین نے ریسکیو 1122 کے بروقت امدادی اقدامات کو خراج تحسین پیش کیا.

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے