پاکستان ملٹی مارشل آرٹس کے زیر اہتمام فری فٹبال ٹریننگ کیمپ کا آغاز

تعلیم و کھیل

فیصل آباد(حمزہ اکرم)ڈسٹرکٹ سپورٹس ڈیپارٹمنٹ اور پاکستان ملٹی مارشل آرٹس ایسوسی ایشن کے زیر اہتمام دو ماہ فری ٹریننگ کیمپ کا افتتاح فٹبال اینڈ آرچری ٹریننگ سنٹر کینال روڈ نزدناولٹی پل کردیاگیا۔اس موقع پر ڈسٹرکٹ سپورٹس آفیسر ساجدہ لطیف،عارفہ خان،رہنما پاکستان تحریک انصاف میاں نبیل ارشد، چیئرمین فہدکلیم رانا، وائس چیئرمین منظور حسین رانا،صدر لقمان خان، نائب صدر محبوب الہی، ڈاکٹروکیل اس موقع پر موجود تھے۔چیف آرگنائزرمحمداشتیاق نے بتایا کہ اس 2ماہ کیمپ میں جوڈو،جمانسٹک، کراٹے، باکسنگ،شاولین کنگفو،کک باکسنگ، آرچری (تیراندازی)،توائی گنگفو کی روزانہ 7بجے شام تربیت دی جائے گی۔انہوں نے بتایاکہ فیصل آباد میں بیسوں فری کیمپس کا انعقادکرچکے ہیں جس کا مقصد نوجوانوں کو بری عادات اور منشیات سے بچاکر صحت مندانہ سرگرمیوں کی طرف راغب کرناہے اور پاکستان کیلئے اچھے کھلاڑی تیارکرناہے۔نیشنل ایم ایم اے چیمپئن زیب حسن کی تاج پوشی بھی کی گئی۔تماشائیوں اور مہمانوں کی طرف سے ان کو خراج تحسین پیش کیاگیا۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے