فیصل آباد (نمائندہ ایف ٹی وی) منیجنگ ڈائریکٹر واسا ثاقب رضا نے شہر میں سیوریج مسائل کے مستقل حل کے لیے روڈ سائیڈ ڈرینز کے تمام امور، متعلقہ مشینری اور عملہ آپریشنز ڈائریکٹوریٹ کے سپرد کرنے کی ہدایت کر دی۔ اجلاس کی صدارت کرتے ہوئے انہوں نے کہا کہ ڈرینج اور آپریشنز ڈائریکٹوریٹس کو یکجا کرنے سے سیوریج اور نکاسی آب کے مسائل زیادہ مؤثر انداز میں حل ہوں گے، خصوصاً مون سون سیزن کے دوران شہریوں کو بہتر سہولیات فراہم کی جا سکیں گی۔
ایم ڈی واسا نے ڈی ایم ڈی فرحان لطیف اور متعلقہ ڈائریکٹرز کو عملہ اور مشینری کی منتقلی جلد مکمل کرنے کی ہدایت کی۔ انہوں نے امین پور بازار، کالج روڈ سمن آباد اور اقبال اسٹیڈیم کی سیوریج لائنوں کے منصوبے فوری شروع کرنے، کھدائی کے بعد بروقت بحالی یقینی بنانے اور تمام مون سون ایمرجنسی ریلیف کیمپس مکمل فعال رکھنے کا بھی حکم دیا۔ مدینہ ٹاؤن میں خصوصی کیمپ قائم کرنے کے ساتھ سکشن مشینیں، ڈی واٹر سیٹس اور عملہ ہر وقت موجود رکھنے کی ہدایت بھی جاری کی گئی۔
