فیصل آباد(نمائندہ ایف ٹی وی)اسسٹنٹ کمشنر صدر عمر مقبول نے سول ڈیفنس آفیسر رانا محمد عباس اور پولیس فورس کے ہمراہ ستیانہ روڈ پر لاک ڈاؤن پر عملدرآمد کو چیک کیا اور شوز ودیگر کھلی شاپس کو سیل کراکر مالکان کو حوالہ پولیس کرادیا۔انہوں نے واضح کیا کہ 16 مئی تک عائد لاک ڈاؤن کی خلاف ورزی کرنے والے عید جیل میں گزاریں گے لہذا پابندی پر عملدرآمد کو یقینی بنائیں۔انہوں نے مختلف شاہرات پرفیس ماسک کے بغیر سفر کرنے والوں کو بھی حوالہ پولیس کرایا اور شہریوں سے اپیل کی کہ وہ بلا ضرورت گھروں سے باہر جانے سے اجتناب کریں۔انہوں نے کہا کہ کورونا کے پھیلاؤ کو روکنے کے لئے احتیاط لازم ہے لہذا تعاون کیا جائے۔ گذشتہ روزمزید 129شاپنگ مالز سیل جبکہ 60۔افراد کے خلاف مقدمات، 155 کو گرفتاراور 73ہزارروپے جرمانہ کیا گیا۔ گذشتہ 56روزمیں 1802،شاپنگ مالز وپلازے،ریسٹورنٹس،شادی ہالز،نجی سکولوں،دفاتراور بس سٹینڈ کو سیل اور28لاکھ 44ہزارروپے کے جرمانے کئے۔تفصیلات کے مطابق دوران چیکنگ خلاف ورزی پر 1310شاپنگ مالزوپلازے، 328 ریسٹورنٹس،44شادی ہالز،113پرائیویٹ سکولز، دو نجی دفاتر،ایک بس سٹینڈ، چار کریانہ شاپس کو سیل اور 120مسافر گاڑیوں کو بند کرنے کے علاوہ شاہرات وپبلک مقامات پر بغیر فیس ماسک گھومنے پھرنے والے 541۔افراد کو گرفتار کرایا جاچکاہے۔
