بریگیڈیئر کاشف سرور عالم کا عید پر ایس او ایس ویلج میں مقیم بے سہارا اور یتیم بچوں میں عید گفٹس تقسیم

فیصل آباد (نمائندہ ایف ٹی وی) بریگیڈیئر کاشف سرور عالم نے کہا ہے کہ محروم طبقات اورلاچار افرادکو خوشیوں میں شامل کرنا عیدکاحقیقی فلسفہ ہے جس میں اللہ کی خوشنودی اوررضارکاپیغام ہے۔انہوں نے یہ بات عیدکے روز ایس اوایس ویلج کے دورہ کے دوران وہاں مقیم بے سہارااوریتیم بچوں میں عیدگفٹس تقسیم کرتے ہوئے کہی۔کرنل پاک آرمی عمر اورمیجر اورنگزیب بھی ان کے ہمراہ تھے۔بریگیڈیئر ایس او ایس ویلج کے تمام گھروں میں گئے اور بچوں سے پیار وشفقت کااظہار کرتے ہوئے انہیں عیدکی مبارکبادی اورکہا کہ ان کی بہتر پرورش کے لئے ہر ممکن اقدامات کئے جائیں۔انہوں نے بچوں سے کہا کہ وہ دل لگاکر تعلیم حاصل کریں تاکہ مستقبل میں ایک خود مختارشہری کی حثیت سے اپنے پاؤں پرکھڑے ہوسکیں۔انہوں نے ایس اوایس انتظامیہ سے کہاکہ وہ مقیم بچوں کی ضروریات اور آسائش کاخیال رکھیں تاکہ ان میں کسی لمحہ بھی احساس محرومی پیدا نہ ہو۔اس موقع پرانچارج ادارہ نے بچوں کوفراہم کی جانے والی سہولیات سے آگاہ کیا۔