واپڈا ہسپتال، عبداللہ پور میں بھی ویکسینیشن سنٹر بنا دیا گیا ۔

فیصل آباد(نمائندہ ایف ٹی وی ) ضلع میں مزید ایک ویکسینیشن سنٹرواپڈا ہسپتال میں قائم کردیا گیا ہے اور مجموعی طور پر 19سنٹرز پرگزشتہ روزمزید 12 ہزار 965 شہریوں وہیلتھ ورکرز کو کورونا ویکسین لگائی گئی جبکہ اب تک دو لاکھ 56 ہزار 828کی ویکسینیشن کی جاچکی ہے۔ڈسٹرکٹ ہیلتھ آفیسر ڈاکٹر عطاء المعنم نے بتایا کہ ایک لاکھ 83ہزار 308جنرل پبلک کو ویکسین کی پہلی جبکہ 45 ہزار724 کو دوسری خوراک اسی طرح 16645 ہیلتھ ورکرز کو پہلی اور 11 ہزار138کو دوسری خوراک لگائی گئی۔انہوں نے بتایا کہ سنٹرز پر کورونا ایس اوپیز پر وضع کردہ ہدایات کے مطابق عملدرآمد کیا جارہا ہے۔