نیشنل انرجی ایفیشینسی اینڈ کنزرویشن کے زیراہتمام انرجی کے بچاؤ پر سٹیک ہولڈرز کا مشاورتی سیمینار

فیصل آباد(حمزہ اکرم)نیشنل انرجی ایفیشینسی اینڈ کنزرویشن کے زیر اہتمام انرجی کے بچاؤ اور بہتر استعمال پر سٹیک ہولڈرز کامشاورتی سیمینار مقامی ہوٹل میں منعقد ہوا جس میں ڈپٹی کمشنر علی شہزادمہمان خصوصی تھے۔مینجنگ ڈائریکٹر (نیکا)ڈاکٹر سردار معظم،صدر چیمبر آف کامرس عاطف منیر شیخ،چیف کارپوریشن آفیسر میٹروپولیٹن کارپوریشن زبیر حسین نت،میونسپل آفیسر محمد خالدکے علاوہ صنعتی،کاروباری اور مختلف شعبوں سے تعلق رکھنے والے سٹیک ہولڈرز بھی موجود تھے۔ایم ڈی نے شرکاء کا شکریہ اداکرتے ہوئے مشاورتی سیمینار کے انعقاد کے اغراض ومقاصد پر روشنی ڈالی اور نیکا ایکٹ کے خدوخال سے آگاہ کیا۔ڈپٹی کمشنر نے اظہار خیال کرتے ہوئے کہا کہ ماحول کے تحفظ کیلئے صنعت سے لے کر گھر کے بلب تک اور ہر شعبے میں توانائی کے موثر استعمال کی ضرورت ہے۔انہوں نے کہا کہ سٹیک ہولڈرز کی تجاویز کی روشنی میں حتمی پالیسی مرتب ہوگی۔صدر چیمبر آف کامرس نے انڈسٹری سیکٹر کو درپیش انرجی کے مسائل سے آگاہ کیااور بجلی کی بچت وبہتر استعمال کو یقینی بنانے کے لئے چیمبر آف کامرس کی طرف سے ہر ممکن تعاون کی یقین دہانی کرائی۔سیمینار میں فیسکو،واسا، ٹیوٹا،زرعی یونیورسٹی،میٹروپولیٹن کارپوریشن،سٹیٹ بینک ودیگر اداروں کے نمائندگان نے انرجی کی بچت واستعمال کے بارے میں اظہار خیال کیا۔اس موقع پر شرکاء میں شیلڈز پیش کی گئیں جبکہ نیشنل انرجی ایفیشینسی اینڈ کنزرویشن پالیسی ڈرافٹ 2022ء کے بارے میں آگاہی بھی دی گئی۔