اسسٹنٹ کمشنر سمندری علیزہ ریحان کا شادی ہالز کی اچانک انسپکشن

فیصل آباد(حمزہ اکرم)اسسٹنٹ کمشنر تحصیل سمندری علیزہ ریحان نے رجانہ روڈ پر شادی ہالز کی اچانک انسپکشن کی اور میرج ایکٹ پر عملدرآمد کو چیک کیا۔انہوں نے بعض شادی ہالز کو جرمانے اور وارننگ دی اور کہا کہ وقت اور ون ڈش کی پابندی پر عملدرآمد کو ہر قیمت پر یقینی بنایا جائے۔انہوں نے کہا کہ میرج ایکٹ کی خلاف ورزی پر نہ صرف ہوٹلز سیل بلکہ بھاری جرمانوں کے ساتھ مقدمات بھی درج ہونگے لہذا قانونی کارروائی سے بچنے کے لئے ایکٹ پر عملدرآمد یقینی بنائیں۔