گورنمنٹ میونسپل گریجوایٹ کالج کے سٹاف ممبران حاجی محمد یوسف اور محمد طارق مدت ملازمت پوری ہونے پر ریٹائرڈ ہوگئے

تعلیم و کھیل

فیصل آباد (نمائندہ ایف ٹی وی) گورنمنٹ میونسپل گریجوایٹ کالج کے سٹاف ممبران حاجی محمد یوسف اور محمد طارق کی ریٹائرمنٹ پر سٹاف کی طرف سے ان کے اعزاز میں الوداعی تقریب منعقد ہوئی۔پرنسپل ادارہ ڈاکٹر ظہور احمد بھٹی اس موقع پر مہمان خصوصی تھے۔سٹاف سیکرٹری پروفیسر محمد جعفر قمر سیالوی،حافظ محمد منظور،پروفیسر ڈاکٹر محمد فرید احمد،پروفیسر خالد محمود کینتھ نے سٹاف کی نمائندگی کرتے ہوئے ریٹائر ہونے والے ساتھیوں کی شاندار سروسز اور اعلی کردار کی شاندار الفاظ میں تعریف کی۔صدر تقریب نے ریٹائر ہونے والے ملازمین کی سروسز کو مثالی قرار دیا اوران کی آئندہ زندگی میں صحت کی دعااور نیک تمناوں کا اظہار کیا۔محمد طارق نے اپنی اور حاجی یوسف کی طرف سے تمام سٹاف کا الوداعی تقریب منعقد کرنے پر شکریہ ادا کیا۔اس موقع پر پرنسپل کالج نے وائس پرنسپل ڈاکٹر عبد الرحمان،ڈائریکٹر سٹوڈنٹس افیئرزپروفیسر خالد حسن نے اپنی اور سٹاف کی طرف سے رخصت ہونے والے دونوں ممبران کو پھولوں کے گل دستے ودیگر تحائف پیش کئے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے