گزشتہ روز 55 ہزار سے زائد افراد کی کورونا ویکسی نیشن کی گئی۔ ڈسٹرکٹ ہیلتھ آفیسر ڈاکٹر بلال احمد

کرونا

فیصل آباد(نمائندہ ایف ٹی وی) ڈسٹرکٹ ہیلتھ آفیسر ڈاکٹر بلال احمد کے مطابق گذشتہ روز 55ہزار 883۔افراد کی ویکسینیشن کی گئی۔انہوں نے بتایا کہ اب تک 9 لاکھ 93 ہزار 648جنرل پبلک اور ہیلتھ کیئر ورکرز نے کورونا ویکسینیشن کرائی۔انہوں نے بتایا کہ گذشتہ روز 55644جنرل پبلک اور 239ہیلتھ کیئر ورکرز نے ویکسین کرائی جن میں 49214جنرل پبلک نے ویکسین کی پہلی،6430 نے دوسری اسی طرح 62 ہیلتھ کیئر ورکرز نے پہلی اور 177نے دوسری ڈوز لگوائی۔انہوں نے بتایا کہ کورونا ویکسینیشن خصوصی مہم پر بھرپور انداز میں عملدرآمد جاری ہے جبکہ ضلع کے 37 ویکسینیشن سنٹر بھی فعال اور متعدد مقامات پر موبائل کیمپس کے ذریعے بھی شہریوں کی ویکسینیشن کی جارہی ہے۔انہوں نے بتایا کہ گذشتہ تین روز سے شہریوں کی طرف سے ویکسین لگانے کے عمل میں تیزی آئی ہے اور اسی تسلسل کو برقرار رکھ کر مطلوبہ اہداف حاصل کرنے کے لئے پرعزم ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے