فیصل آباد(نمائند ایف ٹی وی)خدمت آپ کی دہلیز پر پروگرام کے تحت صفائی ویک اختتام پذیر ہوگیا جس کے دوران ضلع بھر میں 32855 مقامات سے گندگی،کوڑا کرکٹ اور ملبہ کے ڈھیروں کا صفایا کیا گیا۔ضلعی انتظامیہ کے ترجمان نے بتایا کہ فیصل آباد سٹی میں ویسٹ مینجمنٹ کمپنی کی طرف سے 21221 مقامات کو کلیئر،تاندلیانوالہ میں 2622،تحصیل سمندری میں 2728،چک جھمرہ میں 1802،جڑانوالہ میں 1226۔اور تحصیل صدر میں 3256 مقامات کو کلیئر کیا گیا۔دریں اثناء سی ای او فیصل آباد ویسٹ مینجمنٹ کمپنی کاشف رضا اعوان نے بتایا کہ ہفتہ صفائی کے دوران ویسٹ ورکرز معمول کی صفائی ستھرائی کے ساتھ عوام کی خدمت کے لئے سرگرم رہے اورخدمت ایپ پر موصولہ شکایات کو نمٹایا گیا جبکہ شہریوں نے بھی کمپنی کی کارکردگی پر اطمینان کا اظہار کیا۔انہوں نے اپنے عزم کو دہراتے ہوئے کہا کہ شہر کو عوامی توقعات کے مطابق صفائی کے لحاظ سے مثالی بنانے پر فوکس ہے اس ضمن میں محنت اور جذبوں میں کمی نہیں آئے گی۔
