محرم الحرام کے حوالے تمام ادارے کام مکمل کرے مطلع کریں ۔ ڈپٹی کمشنر محمد علی

عوامی مسائل

فیصل آباد( نمائندہ ایف ٹی وی ) ڈپٹی کمشنر محمد علی نے ہدایت کی ہے کہ محرم الحرام کے انتظامات کے حوالے سے متعلقہ تمام محکمے اپنی ذمہ داریوں کو پورا کرکے تصدیقی سرٹیفیکیٹ فراہم کریں اور محکمانہ امور پر عملدرآمد کے لئے مربوط حکمت عملی اختیار کی جائے تاکہ کسی جگہ کوئی انتظامی یا حفاظتی خلاء نہ رہے۔ انہوں نے یہ ہدایت محرم الحرام کے انتظامات کا جائزہ لینے سے متعلق ڈسٹرکٹ ایمرجنسی بورڈ کے اجلاس کی صدارت کرتے ہوئے کہی جس میں ایڈیشنل ڈپٹی کمشنر فنانس عفیفہ شاجیعہ،اسسٹنٹ کمشنرسٹی سید ایوب بخاری کے علاوہ سید جعفر نقوی،افتخار نقوی اور متعلقہ محکموں کے افسران نے شرکت کی۔ڈپٹی کمشنر نے محرم الحرام کے جلوسوں کے راستوں اور مجالس کے مقامات کی بروقت کلیئرنس پر زور دیتے ہوئے کہا کہ صفائی ستھرائی اور لائٹنگ کو یقینی بنانے کے ساتھ ساتھ ہر قسم کی تجاوزات،وال چاکنگ کا فوری خاتمہ اور مرمت طلب سٹرکوں پر تعمیراتی کام کیا جائے۔انہوں نے فیسکو،سوئی گیس،پی ٹی سی ایل اور واسا افسران سے کہا کہ وہ جلوسوں کے روٹس پر اپنی تنصیبات کا بخوبی معائنہ کریں کہ کسی جگہ بجلی کی تاریں لٹکتی ہوئی یا سوئی گیس لیک نہ ہو جبکہ گٹروں پر ڈھکنوں کی موجودگی کے علاوہ سیوریج نظام درست ہونا چاہیے۔انہوں نے بڑے جلوسوں ومجالس کے قریب میڈیکل کیمپس کے قیام کی ہدایت کرتے ہوئے کہا کہ ریسکیو 1122 کے ایمرجنسی سٹاف کی تعیناتی کے علاوہ سول ڈیفنس کے رضاکاروں کی ڈیوٹی اور سیکیورٹی آلات کی تنصیب کے لئے موثر لائحہ عمل اختیار کیا جائے۔ ڈپٹی کمشنر نے ہسپتالوں میں ایمرجنسی سروسز کو ہائی الرٹ رکھنے اور ٹریفک مینجمنٹ پلان مرتب کرنے کی تاکید کی اور کہا کہ اسسٹنٹ کمشنرز اور میونسپل کمیٹیز کے چیف آفیسرز کو ہر چھوٹے بڑے جلوس اور مجلس کی تاریخ اور وقت سے آگاہ ہونا چاہیے اور مشترکہ وزٹ کرکے انتظامات کو چیک کریں۔انہوں نے کہا کہ عشرہ محرم کے دوران ضلعی کنٹرول روم شب وروز کام کرے گا لہذا متعلقہ محکمے سٹاف کی ڈیوٹی کو یقینی بنائیں اس ضمن میں کوئی رعایت نہیں ہوگی۔انہوں نے تمام متعلقہ محکموں کو محرم پلان فوری تیار کرکے ڈی سی آفس کو فراہم کرنے کی بھی ہدایت کی۔اجلاس کے دوران سید جعفر نقوی نے محرم الحرام سے قبل محکموں کی میٹنگ کا انعقاد کرکے انتظامات کو مکمل کرنے کے حوالے سے اقدامات پر ڈپٹی کمشنر کا شکریہ ادا اور بعض ضرورت طلب امور کی نشاندہی کی۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے