انسداد پولیو مہم کو کام یاب بنانے کی سرتوڑ کوشش کریں ۔ ڈپٹی کمشنر علی شہزاد

سیاست

فیصل آباد (نمائندہ ایف ٹی وی) ڈپٹی کمشنر علی شہزادنے ہدایت کی ہے کہ ضلع میں 20 ستمبرسے شروع ہونے والی انسدادپولیومہم کو سو فیصد کامیاب بنانے کیلئے سرتوڑ کوششیں کی جائیں اور پانچ سال تک کی عمر کے ہر بچے تک رسائی حاصل کرکے انہیں حفاظتی ویکسین کے قطرے پلائے جائیں اس ضمن میں معمولی سی بھی غفلت کے متحمل نہیں ہوسکتے۔انہوں نے یہ ہدایت ڈسٹرکٹ پولیوایریڈیکشن کمیٹی کے اجلاس کے صدارت کرتے ہوئے جاری کی جس میں مہم کے حتمی انتظامات کاجائزہ لیا گیا۔ڈپٹی کمشنر نے انسدادپولیومہم پر ذمہ دارانہ عملدرآمد کیلئے متعلقہ محکموں کو متحرک کرتے ہوئے ٹاسک تفویض کئے اور کہا کہ اہداف کے حصول کیلئے جامع مائیکرو پلان پر عملدرآمد ہونا چاہیے۔انہوں نے والدین کی آگاہی کیلئے تشہیر کے ہرممکن ذرائع بروئے کارلانے کی ضرورت پر زور دیتے ہوئے کہا کہ مہم کی دوہری مانیٹرنگ ہوگی۔انہوں نے سوشل ویلفیئر،لیبر،پاپولیشن ویلفیئر اوردیگر محکموں کو والدین کی آگاہی کیلئے اقدامات کرنے کی بھی تاکید کی۔ اجلاس کے دوران ڈسٹرکٹ ہیلتھ آفیسرڈاکٹر بلال احمدنے مہم کے انتظامات کے بارے میں بریفنگ دی اور بتایا کہ مہم کے دوران پانچ سال تک کی عمر کے تقریبا 13 لاکھ بچوں کو حفاظتی قطروں کے ساتھ وٹامن اے کے ڈراپس بھی پلائے جائیں گے اس مقصد کے لئے مجموعی طور پر 4870 ٹیمیں فرائض انجام دیں گی۔انہوں نے بتایا کی متعلقہ سٹاف کی ٹریننگ کا عمل مکمل ہوچکاہے اور مہم کی کامیابی کے لئے پرعزم ہیں۔ایڈیشنل ڈپٹی کمشنر ہیڈ کوارٹرز محمد خالد،سی ای او ہیلتھ ڈاکٹرمشتاق سپرا اور متعلقہ محکموں وعالمی ادادہ صحت کے نمائندگان بھی موجود تھے۔

Tagged

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے