فیصل آباد میں بین الصوبائی توائی کنگفو چیمپئن شپ کا انعقاد

فیصل آباد (نمائندہ ایف ٹی وی) بین الصوبائی توائی کنگفو چیمپئن شپ کا انعقاد کلیم شہید کمپلیکس فیصل آباد میں ہوا جس میں بلوچستان،سندھ، کے پی کے اور پنجاب کی ٹیموں نے حصہ لیا۔چیمپئن شپ میں شاندار توائی کنگفو کی فائٹز دیکھنے کو ملی۔پنجاب کی ٹیم نے شاندار کھیل کا مظاہرہ کرتے ہوئے 5گولڈ میڈل کے ساتھ پہلی پوزیشن،سندھ کی ٹیم 3گولڈ میڈل کے ساتھ دوسری پوزیشن جبکہ بلوچستان کی ٹیم نے تیسری پوزیشن 2 گولڈ میڈل کے ساتھ حاصل کی۔ صدر پاکستان و صدر ایشین توائی کنگفو فیڈریش ظاہر حیسن سروری نے خصوصی شرکت کی۔ آخر میں مہمان خصوصی مرزاعلی عمر،مرزا عثمان عمر،مرزاقاسم اور مرزامحمد ندیم کے علاوہ مرزاعثمان افضل،ملک قمر جاویداور سیکرٹری فیصل آباد توائی کنگفو زبیر رشید نے جیتنے والے کھلاڑیوں میں میڈلز و سرٹیفیکیٹ اور آفیشل میں شیلڈز تقسیم کی اور محمد اشتیاق کی مینجمنٹ کو سراہا اور کامیاب چیمپئین شپ پر مبارکباد دی۔ سیکرٹری جنرل پنجاب محمد اشتیاق نے بتایا کہ توائی کنگفو 78ممالک میں کھیلا جاتا ہے صدر پاکستان وایشین توائی کنگفو فیڈریشن نے وننگ ٹرافی سیکرٹری پنجاب محمد اشتیاق کو دی۔شائقین بھی بڑی تعداد میں موجود تھے۔