فیصل آباد (نمائندہ ایف ٹی وی) ڈائریکٹر جنرل ایف ڈی اے محمد سہیل خواجہ کی ہدایات پر ایف ڈی اے کی انفورسمنٹ ٹیم نے کارروائی کرتے ہوئے جڑانوالہ میں تین غیر منظور شدہ ہاؤسنگ سکیموں کے دفاتر کو سربمہراور غیر قانونی تعمیرات کو مسمار کردیا۔ تفصیلات کے مطابق اسٹیٹ آفیسر امتیاز علی گورایہ کی سربراہی میں ایف ڈی اے کی انفورسمنٹ ٹیم نے جڑانوالہ میں قائم کی جانیوالی ہاؤسنگ سکیموں کی قانونی حیثیت کو چیک کیا تو وقاص ٹاؤن، الجنت سٹی اور ایمان سٹی کو ایف ڈی اے سے غیر منظور شدہ پایا جن کے خلاف کارروائی کرتے ہوئے دفاتر کو سیل اور غیر قانونی تعمیراتی ڈھانچوں کو مسمار کردیا۔ ڈویلپرز سے کہاگیاہے کہ وہ ہاؤسنگ سکیموں کے قیام کیلئے تمام تر قانونی تقاضے پور ے کرکے باقاعدہ منظوری حاصل کریں بصورت دیگر وہ ترقیاتی کام جاری نہیں رکھ سکیں گے جبکہ مزید خلاف ورزیوں پرقصور واروں کیخلاف فوجداری کارروائی بھی کی جائیگی
