ضلع فیصل آباد میں کورونا وائرس کے حملے جاری

فیصل آباد (نمائندہ ایف ٹی وی) شہر اور گردونواح میں کرونا وائرس کے حملے جاری ، گزشتہ چوبیس گھنٹوں کے دوران مزید 4 افراد زندگی کی بازی ہار گئے جبکہ 18 افراد میں کرونا وائرس کی تصدیق کر دی گئی۔ہسپتال ذرائع بتایا کہ گزشتہ چوبیس گھنٹوں کے دوران زیرعلاج کرونا کے متاثرہ اور مشتبہ 3 افراد دم توڑ گئے، ہسپتال انتظامیہ نے ضروری کارروائی کے بعد نعشیں ورثاء کے حوالے کر دیں جبکہ مزید 19 افراد میں کرونا کی تصدیق ہونے پر علاج معالجہ کیلئے مختلف وارڈز میں داخل کر لیا گیا۔ ڈاکٹرز کا کہنا ہے کہ کرونا کی لہر میں تیزی آ رہی ہے اور کرونا کے مریضوں کی تعداد میں اضافہ دیکھنے میں آ رہا ہے، شہریوں کو چاہیے کہ وہ کرونا ایس او پیز پر سختی سے عمل کریں۔