” خدمت آپ کی دہلیز پر” پروگرام کے تحت فیصل آباد میں بھی ہفتہ صفائی کا اہتمام

عوامی مسائل

فیصل آباد(نمائند ایف ٹی وی)حکومت پنجاب کی ہدایات پر” خدمت آپ کی دہلیز پر” پروگرام کے تحت ہفتہ صفائی کے سلسلے میں فیصل آباد ویسٹ مینجمنٹ کمپنی کے زیر اہتمام ویسٹ ورکرزنے تیسرے روز بھی گلی محلوں سے کوڑا کرکٹ اورہیوی مشینری سے ملبہ کو اٹھاکر ڈمپنگ مقام پر منتقل کیا۔تفصیلات کے مطابق گذشتہ دو روز میں دو زونز کو کور کیا جاچکا ہے۔سی ای او کاشف رضا اعوان نے بتایا کہ خدمت آپ کی دہلیز پر پروگرام پر بھرپور انداز میں ذمہ دارانہ عملدرآمد جاری اور وضع کردہ پلان کے تحت علاقوں کو زیرو ویسٹ کیا جارہا ہے۔انہوں نے بتایا کہ ایپ پر نشاندہی کئے گئے علاقوں پر بھی خصوصی فوکس ہے جبکہ ڈی سی آفس کے ضلعی کنٹرول روم سے موصولہ عوامی شکایات پر بھی فوری ردعمل کا مظاہرہ کرکے زیرو ویسٹ کو یقینی بنایا جارہاہے۔انہوں نے اپنے عزم کو دہراتے ہوئے کہا کہ ہفتہ صفائی کے بقیہ ایام میں مطلوبہ اہداف کے حصول کو یقینی بنانے میں کوئی کسر اٹھا نہیں رکھی جائے گی اس ضمن میں ویسٹ ورکرز عوامی خدمت کے جذبہ سے لبریز ہوکر خدمت آپ کی دہلیز پر پروگرام کی کامیابی کے لئے سرگرم عمل ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے