گورنمنٹ کامرس کالج میں انسدادِ منشیات آگاہی سیمینار کا انعقاد

انجمن انسدادِ منشیات الائیڈ ہسپتال II کے زیرِاہتمام گورنمنٹ کامرس کالج پیپلز کالونی نمبر 1 میں انسدادِ منشیات سے متعلق آگاہی سیمینار منعقد کیا گیا۔ سیمینار سے ڈائریکٹر کاؤنٹر نارکوٹکس فورس کرنل ذاکر علی خان، پروفیسر ڈاکٹر امتیاز احمد ڈوگر، پروفیسر افتخار احمد اور آمنہ اکرم نے خطاب کرتے ہوئے طلبہ کو منشیات کے انسانی زندگی پر تباہ کن اثرات سے آگاہ کیا۔ مقررین کا کہنا تھا کہ نوجوان نسل اپنی تمام تر توجہ تعلیم پر مرکوز رکھے اور خود بھی منشیات سے دور رہے جبکہ اپنے اردگرد لوگوں کو بھی اس ناسور سے بچنے کی تلقین کرے۔ انہوں نے بتایا کہ کاؤنٹر نارکوٹکس فورس منشیات فروشوں کے خلاف مؤثر کارروائیاں جاری رکھے ہوئے ہے۔ سیمینار کے دوران طلبہ کے سوالات کے جوابات بھی دیے گئے، جبکہ ڈاکٹر عائشہ ریاض، ڈاکٹر اعجاز اشرف اور محمد پرویز افضل جالندھری نے بھی خطاب کیا۔