فیصل آباد(نمائندہ ایف ٹی وی)ضلع کے ویکسینیشن سینٹرز پر چھٹے روز 60 سال سے زائد عمر کے مزید 218۔بزرگ افراد نے کورونا ویکسین لگوائی جبکہ اب تک 1156۔افراد کو کورونا ویکسین لگائی جاچکی ہے۔ڈسٹرکٹ ہیلتھ آفیسر ڈاکٹر عطاء المعنم نے سے آگاہ کرتے ہوئے بتایا کہ سپورٹس کمپلیکس سمن آباد سنٹر پر گذشتہ روز 128 افراد کی ویکسینیشن ہوئی جبکہ ٹوٹل 790بزرگ افراد کو ویکسین لگائی جاچکی ہے۔انہوں نے بتایا کہ تحصیل ہیڈ کوارٹرز ہسپتال نیو بلڈنگ سمندری کے سنٹر میں 20 افراد اور مجموعی طور پر 162،سپورٹس کمپلیکس چک جھمرہ میں 37۔ افراد نے ویکسین لگوائی اور اب تک 114،تحصیل ہیڈ کوارٹرز ہسپتال نیو بلڈنگ تاندلیانوالہ میں 24۔بزرگ افراد کو ویکسین لگائی گئی اور چھ روز میں 65۔اور رورل ہیلتھ سنٹر نیو بلڈنگ کھرڑیانوالہ میں چھٹے روز 9۔بزرگوں جبکہ اب تک 25۔ افراد کو ویکسین لگائی گئی.
