فیصل آباد وائس چیئرمین واسا شیخ شاہد جاوید نے کے زیر انتظام واسا کی سروسز میں مزید بہتری لائی جارہی ہے

عوامی مسائل

فیصل آباد (نمائندہ ایف ٹی وی) وائس چیئرمین واسا شیخ شاہد جاوید نے کہا ہے کہ حکومت پنجاب کے خصوصی تعاون سے واسا کی سروسز میں مزید بہتری لائی جارہی ہے۔فراہمی و نکاسی آب کے منصوبوں کو تیزی سے مکمل کیا جارہا ہے۔صارفین کی بھی ذمہ داری ہے کہ وہ اپنے ذمے واسا کے واجبات بروقت ادا کریں۔عوامی خدمت کے لئے ہمہ وقت کوشاں ہیں اور درپیش شکایات کا فوری ازالہ کیا جارہا ہے۔انہوں نے کہا کہ پی ڈی ایم کی تحریک ناکامی سے دو چار ہو چکی ہے وزیر اعظم عمران خان نے جب اقتدار سنبھالا تھا تو اس وقت نا اہل حکمرانوں نے ملکی قرضہ ملک کے اوپر چڑھا دیا تھا ملک کا ستیہ ناس کیا لیکن عمران خان کی کامیاب پالیسیوں کی وجہ سے ملک بحرانوں سے نکل رہا ہے حکومت آئینی مدت پوری کریگی تحریک انصاف میں شامل ہونیوالوں کو کبھی مایوس نہیں کرینگے۔انہوں نے کہا کہ وزیر اعظم عمران خان نے بیرون ملک مقیم پاکستانیوں کے وقار میں اضافہ کیا ہے یہی وجہ ہے کہ جو بیرون ممالک مقیم پاکستانی عمران خان کی قدر اچھی طرح جانتے ہیں سابقہ ادوار میں جس طرح ملک کو بے دردی سے لوٹا گیا او رملک کے اوپر بے تحاشہ قرضے چڑھائے گئے جس کا خمیازہ آج پوری قوم بھگت رہی ہے۔انہوں نے کہا کہ پی ڈی ایم نے حکومت کے خاتمہ کیلئے جو تحریک شروع کی تھی اس کو عوام نے ناکامی سے دو چار بنایا قوم آج بھی وزیر اعظم عمران خان کیساتھ کھڑی ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے